حسن السحماوي@@@@تسلمى يا عيون حبيبتى ..

حسن السحماوي

تسلمى يا عيون حبيبتى ..

نظرة الشوق ... قربتنى ..

سر همسك .. من ملامحك ..

لما عدى الشوق .. وخدنى ..

فى بحر هادى ... شط خالى ..

وف خيالى .. نجم صاحى ..

من ملامحك ..

نسمة رايحة ونسمة جاية ..

فين ماتمشى .. أنت همسى ..

دا السفر لشطوط بعيدة توهتنى ..!!

وأنت مينا .. شط مرسى .. وفية سفينة ..

مدى حبل الشوق .. خودينا ... قربينا ..

بس أوعى تتوهينا .. !!!

أصل أنا ملاح وتاية ... من حياة عمرى و سنينى ..

وأما شافك .. قلبى فاتنى فى انتظارك ..

قلت أجيلك .. حلم بيقربنى منك ..

شوق ياخودنى .. لحد عندك ..

هدهدى فيا حنينى .. عوضينى ..

وأمسحى من فوق عنيا .. دمعة الحزن الغبية ..

واندهى لبكرة ... يجينى ... صدقينى ..

ضفرينى شط خالى .. وف خيالى ..

أرمى جوايا حنينى .. يلا بينا ..

دا السفر لشطوط يعيدة ..

منتظر يا سنين حنينى ... يلا بينا ..

شاركها في جوجل+

عن Unknown