مجلة @ عزف على أوتار الحروف @

مجله أدبيه؛ثقافيه؛إجتماعيه ؛شامله.. .

/ / ‏دعاء الجنه,,,,,,,,,,,,,,,,,,,,,,,,,,عادي ----- في كل مرة ازعل منه

‏دعاء الجنه,,,,,,,,,,,,,,,,,,,,,,,,,,عادي ----- في كل مرة ازعل منه

تعديل
دعاء الجنه‏ 
عادي
-----
في كل مرة ازعل منه
ارجع اصالحه 
و اقول اهو عادي
كل مرة يطلب اسامحه
اقوله سماح
برده .. دا عادي
***
امسح دمعة حزن فـ عيني
و ارسم كُحلة بتدفيني
و اداري ملامحي
و دا مش عادي
و ارسم بسمة جميلة بكفي
و احاول انسى
همومي و يأسي
برده دا عادي
***
ارمي مشاكل قلبي بإيدي
و احلم بكرة احلى يا سيدي
لكن حلمي عمره ما يجي
و اقول اهو عادي
آه يا صراخ مكتوم في وريدي
ينزف فرح عمره ما يجي
ح اصرخ تاني و نفسي يكون
صراخ مش عادي
***
حار الطب ويا جراحي
و كل دواه انسيه و ارتاحي
اقول لطبيبي دا مش عادي
طاش افكاري ... جن جنوني
و هو يقولي
يا ستي دا عادي
***
دفنت حبي جوة فـ قلبي
حاولت انسى غدره بحبي
لقيت ذكراه مريرة فـ جنبي
ضحكت و قلت
برده اهو عادي
خَرّبَ شوقي
خَيَب ظني
و اهو دا يبقى
غريب مش عادي
حزن و فرحة
هجر و دمعة
يبقى دا كله
لكن مش عادي
بقلم
سعاد عبد السلام
شاركها في جوجل+

عن Unknown