المشاركات
رسمت الوجه بيقينى
عجنتك تبر مع حنه
وفيكى دبت لمينى
يا طمى النيل ومواويلى
ورمل الشط ضمينى
سمار مصرى سكن قلبى
وانا لوحدى بيغنيلى
ماشفتش حته من توبك
لكنك ساكنه قاع عينى
بلاش ما تفصحيش عنك
بفعل وقول وخلينى
اعيش صوره بوجدانى
رسمها شوقى وحنينى
باشوفك بنت من شبرا
ومن كرموز تلا غينى
باشوفك مصر بتراثها
واجمل ما رأت عينى
نقشتك فوق جدار قلبى
كما نقشوا نفرتيتى
فخلى الحلم جوايه
يعيش وبلاش تشوف عينى
فخلى الحلم جوايه
يعيش وبلاش تشوف عينى