المشاركات
*** انا مش ها ابيع وطن***
________________________________
ملعونه يا لقمة ما اتبلتيش
من عرقى والدم النافر من عروق
فى عزالضهربتقتل الخوف
اللى راسم على الوشوش
ضحكه كلها زيف..
الشمس اللى بتنقح فينا
وبنستحمل لجل اتخضر عود
يلم جوانا الفرح..
الميه اللى بتنشف قبل ما تنزل جوفنا
ويطرى معاها الحلم الناشف
اللى تملى يزرع فينا الصبر
عشان يحلو طرح الشوق لبكره
اللى خايف يجى..
انا اللى لسه محوطانى صورة جدى
اللى مات جنب النخل اللى قطعه عمى
عشان يزرع مكانه درة افرنجى
مات جدى وهو بيقول له
ماله يا ابنى النخل العربى..
ملعونه يا فكره طايشه بنصدقها
ونجيب النار تحرقنا ونصورها
لجل نتاجر بيها عشان حبتين قمح
مع ان الغلبان مستعد يموت من الجوع
ولا يشحت لقمة افرنجى..
الروح جوايا بتنطلى فى مرايتى
وبتضحك وتقول لى
فين النخوه
يا ابو بنطلون وقميص افرنجى
الروح اللى اديلها خمسين سنه عايشه معايا
رافضه تكون مدرايه فى ارض متعرفنيش
ولقمه شحاته ما شبعتنيش
وهدمه لسه ما لبستنيش
مع انى عمرى ما حسبت سنين العمر
ولا عديت للديك كام مره ادن للفجر
عمرى ما حاسبت ملاك اتأخر
عن كتابة ذنوبى ولا حسيت بتقله
على اكتافى مع انهم معايا
فى الرايحه والجايه وبيستنونى
لما اقوم من النوم..
الليل اللى بيدخلنى من غير اذن
وبيتحكم فى الحدوته
مش قادر قول له انك غلس..
ملعونه يا غيرة اتخبيتى وسبتى
القلب فى عز العتمه يصاحب الخوف
اللى خلانا صورمن غير وشوش
الخطوه ماشيه تئن من كتر ما مشية
ترسم بحر فى الصحرا مستنيه الضله
تحط على كتاف الشقى..
هتروحى فين ياروح
من ايدين السجّان والمشنقه
ولا انتى فاكره انى ها اقدر احوش عنك
تبقى عبيطه وفى حبال دايبه متشعلقه
انا يادوب لما يا خدوكى منى
اغيب عن الدنيا واصحابى
واهى ليلة حزن وتعدى ..
ملعون يا حلم خلتنى اطير معاك
فى سما مش ليه
والارض صرختها فى الودان دانه
دندانه بتشدنى وكما النخل الواقف
بتهزنى لجل تسقّط كل الخوف الناشف
اللى بقى شبهى..
بتاخدنى انام وبعد شويه بتدخلنى وبتفضل
زى السوس تنخرفى الساس اللى من عمرى
بتخلينى حتى انسى اشوف حببتى
قبل ما انام وتجيبها بعد مانام مش هى
انت والليل والخوف زى بعض
وانا مش ها ابيع وطن....
________________________________
ملعونه يا لقمة ما اتبلتيش
من عرقى والدم النافر من عروق
فى عزالضهربتقتل الخوف
اللى راسم على الوشوش
ضحكه كلها زيف..
الشمس اللى بتنقح فينا
وبنستحمل لجل اتخضر عود
يلم جوانا الفرح..
الميه اللى بتنشف قبل ما تنزل جوفنا
ويطرى معاها الحلم الناشف
اللى تملى يزرع فينا الصبر
عشان يحلو طرح الشوق لبكره
اللى خايف يجى..
انا اللى لسه محوطانى صورة جدى
اللى مات جنب النخل اللى قطعه عمى
عشان يزرع مكانه درة افرنجى
مات جدى وهو بيقول له
ماله يا ابنى النخل العربى..
ملعونه يا فكره طايشه بنصدقها
ونجيب النار تحرقنا ونصورها
لجل نتاجر بيها عشان حبتين قمح
مع ان الغلبان مستعد يموت من الجوع
ولا يشحت لقمة افرنجى..
الروح جوايا بتنطلى فى مرايتى
وبتضحك وتقول لى
فين النخوه
يا ابو بنطلون وقميص افرنجى
الروح اللى اديلها خمسين سنه عايشه معايا
رافضه تكون مدرايه فى ارض متعرفنيش
ولقمه شحاته ما شبعتنيش
وهدمه لسه ما لبستنيش
مع انى عمرى ما حسبت سنين العمر
ولا عديت للديك كام مره ادن للفجر
عمرى ما حاسبت ملاك اتأخر
عن كتابة ذنوبى ولا حسيت بتقله
على اكتافى مع انهم معايا
فى الرايحه والجايه وبيستنونى
لما اقوم من النوم..
الليل اللى بيدخلنى من غير اذن
وبيتحكم فى الحدوته
مش قادر قول له انك غلس..
ملعونه يا غيرة اتخبيتى وسبتى
القلب فى عز العتمه يصاحب الخوف
اللى خلانا صورمن غير وشوش
الخطوه ماشيه تئن من كتر ما مشية
ترسم بحر فى الصحرا مستنيه الضله
تحط على كتاف الشقى..
هتروحى فين ياروح
من ايدين السجّان والمشنقه
ولا انتى فاكره انى ها اقدر احوش عنك
تبقى عبيطه وفى حبال دايبه متشعلقه
انا يادوب لما يا خدوكى منى
اغيب عن الدنيا واصحابى
واهى ليلة حزن وتعدى ..
ملعون يا حلم خلتنى اطير معاك
فى سما مش ليه
والارض صرختها فى الودان دانه
دندانه بتشدنى وكما النخل الواقف
بتهزنى لجل تسقّط كل الخوف الناشف
اللى بقى شبهى..
بتاخدنى انام وبعد شويه بتدخلنى وبتفضل
زى السوس تنخرفى الساس اللى من عمرى
بتخلينى حتى انسى اشوف حببتى
قبل ما انام وتجيبها بعد مانام مش هى
انت والليل والخوف زى بعض
وانا مش ها ابيع وطن....
0 التعليقات:
إرسال تعليق
دام الابداع والرقي فى التواجد نسعد دائماً بعطر تواجدكم