محمود وحيد,,,,,,,,,,,,,,,,,,,,,,,صباحكم والصباح ألحان

محمود وحيد

صباحكم والصباح ألحان
على وتر الحروف شادى
بيزرع فى القلوب ريحان

على كفوفه الوداد نادى
يا صحبة خيرها غرقنـى
ومين غيرها يشوقنــــى
اغلف حرفى بوردايــــة
تغنى هواكو وتنــــــادى
*******************
صباحكم والصباح أشعار
بتغزل حبها طرحـــــــــة
وتاخد م الجمال أزهــــار
وترسم ع الخدود فرحــة
مناها ربى يحرسكــــــم
ومن حلله يلبسكــــــــم
تيجان العزة والتقــــــوى
ويطرح فى القلوب رحمة
*********************
صباح موصول ومتواصــــــل
ومتحنى طهارة وضى
وطول العمر نتواصــــــــــل
مودة ونبضها حـــى
صفاء النية مكنونكــــــم
وصدق الحرف مضمونكم
صباح صابح وكله جمال
وغيره مش هتلقوا ذى
صباح الرقى والابداع اهل الرقى والادب

شاركها في جوجل+

عن Unknown