Awny Hesham@@@قاضى الزمان

Awny Hesham

قاضى الزمان
======== بقلم عونى هشام
شكيت نفسى 
لقاضى الحب
عشان قلبى
صبح سجان
سجنى معاه
فى ابعد جُب
حرمنى فى يوم
اكون انسان
سالنى القاضى
على ذنبى
داريت نفسى
ورى السجان
وقلت يا قاضى
ليه اخبى
زمان كنت
باعيش انسان
صحيح انى
فى سجن وحيد
وسجانى
ملوش مواعيد
بحلم يوم
اعود لكن
لقيت الناس
فى جلد جديد
وجوه عايبه
وناس غايبه
وناس بتجيب
فى سيرة الناس
وناس من الجوع
ماهيش نايمة
وناس معاه
ا بدون احساس
ظلمت القلب
يا قاضى
وسجانى
ماهوش فاضى
ونفسى اعود
فى وسط الناس
لقيت السجن
كتير ارحم
للان الناس
بقت مش ناس
غاب عنى
زمان الحب
وحتى زمانا
تاه منى
بقيت عايش
ومن غير قلب
رجعت لهمى
ولسجنى
وفوضت الامور لله

شاركها في جوجل+

عن Unknown