المشاركات
""براحتك"" كلمات / محمود وحيد
تصدقى
ما تصدقيش..
تقبلى منى
غرامى
ولا حتى
ما تقبليش
قلبى أعلنها
بصراحة
إنى بعدك
مش هاعيش
قلبى
طول عمره
عنيد
وف عناده
ما تلاقيش
لما يعشق
يحكى عشقه
عن حبيبه
ما يداريش
ويا دق القلب
يمشى
مهما داق الويل
ما يشكى
يحضن الشوق
جوة منه
قلبى ما بيعرفش
طيش
تشتاقيلى
ما تشتاقيش
تشترى حبى
وهيامى
ولا حتى ما تشتريش
قصتى ف العشق
طارحة
شمس نورها
ما ينطفيش
ريحى روحك
بحبك
عن هوايا
ما تسأليش
انتى أغلى منى
عندى
لو تكابرى
لو تعاندى
مش هأمٍل أعشق
خُطاكى
وإنتى حرة
ما تعشقيش
26/8/2014
عن Unknown
0 التعليقات:
إرسال تعليق
دام الابداع والرقي فى التواجد نسعد دائماً بعطر تواجدكم