سعاد الزامك‏ @@@ ارجع حبيبي

 ‏سعاد الزامك‏ 

‏نهر الحب‏ م

ارجع حبيبي
*********
حمد لله على سلامة الامير
حارب كتير
باع الجمل بما حمل
و صبر كتير
و صِبرت وياه أيام زمان
حب و غرام
عشق و هيام
سافر حبيبي
و فضلت أستناه يرجع لي
تاني من السفر
مرت سنين عام ويا عام
و خلص الكلام
و نسيت حبيبي .. قصة حبنا
و طاش عمرنا
و جري وراه حلمي الكبير
فاتت يا دوب عشرين سنة
كنت فيهم بيك حبيبي مطمنة
باحلم بعش يضمنا
و عيال كتير
يجروا يخضروا عمرنا
و اكون دفاك في الزمهرير
حضني الجميل وقت الصفا
ح يكون حرير
و افرش جدايلي على شوك
اتغرس جواك اسير
لكن خسارة فاتت سنة ورا سنة
و انا لسه باحلم حلمنا
هما يا دوب عشرين سنة
و كأنهم مليون سنة
و فضلت تحلم بالسفر
ويا القمر
و تحارب الشوق و القدر
اجري وراك تحت المطر
و اخاف تتوه عن دربنا
ماهو حلمنا و حبنا و عمرنا
ارجع حبيبي .. ارجع هنا

بقلم
سعاد الزامك

إلغاء إعجابي

شاركها في جوجل+

عن Unknown