Mohamed Elalfy@@@ليلة عشره

Mohamed Elalfy

ليلة عشـــره
*****************
ليلة عشرة
وكان رمضان
وكنا صيام
ليلتها.... ماحد فينا نام
وكن بننتظر بكره
وبكره بعيـــــــــــــــــــــــــــيد
وليل طول
ونجم سهيل لماغرب
وضى الفجر بيقرب
وبلل وشى واتشرب
ندى م الصبح
ترى يابكره هتكون ايه؟
ولابس ايه؟
ياريت الأقيك بتوب ابيض
كطير الغيط
وتعكس ضى شمس ا لصبح ع الرمله
ولا هتكون بتوب ا حمر
ولون المية يتعكر بدم الناس
ولاد الناس
...
امانه يا بكره م تكشر دى امى حزينة من سنوات
وزارت اولياء الله
وندرت للحسين حضرة
وتدبح عجل
ع العتبات
ومستنيه يوم النصر
عظيم عظمه تناسب( مصر)
لما امتلكت سلاح العصر
املها يكون كليلة بدر
خلاص يامه بقينا الفجر
وانا شايل ا مانى كتار
بيحلم اهلنا بيها من ا لنوبه
لخط النار
...
جميله) نفسها تفرح
وحلفت بالغوالى ماتلبس الفستان
لحد ما ارضنا ترجع
وناخد تارنا من ديان*1
...
واهلنا ضيقوا الحزامات
وجاعو وعريوا بالسنوات
ماحدش قال ياابويا هات
وصلوا وكتروا لدعوات
صدها يرن ف الفلوت
يارب اقبل
وخدبايدنا
ونزل جند م السماوات
عبادك خدنا بالأسباب
وطهرنا النفوس احباب
ياربى نصرك الموعود
والاتسود شريعة الغاب
ياربى امى قلقانه جفاه النوم
وجعانة خدت ع الصوم
وعريانه ماحديلوم
ومستنيه يوم النصر
ياريت اليوم يكون يومك
وتلبس احسن هدومك
وعيدك ييجى مع صومك
ياست الكل يا طاهره

إ

شاركها في جوجل+

عن Unknown