محمود وحيد@@@@"" انا ليا رأى"

محمود وحيد

"" انا ليا رأى"" كلمات محمود وحيد
=======================
ما تأمنوش خايـــــن

وتخونوا مأمون

وما تسجنوش عاقل

وتحرروا مجنون

الليل ظلام مش ضى

والقبر مش للحـــــى

واللى فاكرها خلود

يقرا تاريخ فرعون

الشمس ليها شعاع

بين السحاب بيفوت

واللى يقول الحق

ما يهمهوش الموت

إعدل تعيش مرتاح

والضيقة تبقى براح

ويا الرضا بتهون

ما يهمناش هلفوت

الثمرة بالمبدور

مش بالحديد والنار

واللى يخاف ربنا

أبداً ما يوم يحتار

خلى الورق مكشوف

ميل علينا وشــــوف

لو نيتك بنيـــــــــان

هنكمل المشوار

العقدة بالمعقود

ما يحلهاش طمًــاع

والمهرة بالخيًال

مش بهرجة ومتاع

غير العدالة مفيش

ما تمرروش العيش

عيشوا فى قلوب الخلق

ما تخلوناش أتباع

15/8/2014

إلغاء إعجابيإلغاء إعجابي

شاركها في جوجل+

عن Unknown