يبقى بقلبى أمل انى هألاقى عيون
""""""""""""""""""""""""""""""""""""""""""
لما أفكر حلم ممكن أشوفك يوم
أحضن فى قلبى الحلم أنسف جبال اللوم
يبقى لاقيتك أنا وسط الهنا فرحة
خلى اللى فاتوا اتنسوا ننسى بحب يدوم
""""""""""""""""""""""""""""""""""""""""""""""
ساعة فاكرها زمان وحدى أنا فيها
لما حكيتها مكان امتى ألاقيها؟
حلمى بقلبى يكون حلمى أنا وحدى
لكن ساعتها يزول حزنى فأحكيها
"""""""""""""""""""""""""""""""""""""""""""""""""""""
عشقى كفانا الناس يفضل يغنينا
يحكى بأفضل ناى ضحكة بتشجينا
فاكرة يا حلوة زمان دمعة ورا دمعة
انسى بجرح زمان ضحكة تكفينا
""""""""""""""""""""""""""""""""""""""""""""""""""""
نفسى أشوفك يوم وسط السما طالة
آخدك فى حضنى و أقول تملى عيون هالة
حلوة و زى النيل تجرى على قلبى
تمسح بشعر طويل دمعة كانت نازلة
"""""""""""""""""""""""""""""""""""""""""""""""
و لسه مخلصتش
د محمد وهبه
المشاركات
0 التعليقات:
إرسال تعليق
دام الابداع والرقي فى التواجد نسعد دائماً بعطر تواجدكم