محمود وحيد@@@@ما تخلوهاش ضلمة

محمود وحيد

"مربعات " محمود وحيد
^^^^^^^^^^^^^^^
ما تخلوهاش ضلمة

سيبوا النهار يطلع

د القبر له ضمة

أقوى من المدفع
********************
إصحوا يا بنى أدمين

قبل الأون ما يفوت

الموت قوى ما يلين

والكل فيه مربوط
********************
فبلاش نهد ف بعض

والقصة محسومة

ليه الغرور والعند

والأخرة محتومة
********************
ما تغيموش الشمس

وتخبوا انوارها

فكوا الفجر م الحبس

للبسمة أسرارها
********************
الأرض شرقانة

محتاجة حبة ضى

واللى بيرعانا

واحد وإسمه الحى
********************
يمهل ولا يهمل

ولكل وقت أدان

عادل وهو العدل

ابداً ما مالٌه ميزان
********************
إلحق بقى روحك

وإحسبها دنيا ودين

وابكى على جروحك

جايز تطيب وتلين
********************
29/9/2014

إلغاء إعجابي

شاركها في جوجل+

عن Unknown