كان يوم منايا
لما اشوف نصى الشمال
سرحان بيشكى م السهر
هايم يمس الحصى
وبيرسم الحلم بعيدان
يعشق غناوى عبد الحليم
يعشق غناوى عبد الحليم
يحلم بورده يقصها
يحدفها مع شعر ف جواب
فتدب ثورة فى الفصول
وتغير عليه كل البنات
تنزل عليه كلمات
من غير ميزان
تترجم للمشاعر
قبل المطر حبة نقط
دمع وفرح
وطير بيحضن عش
مولوده البرئ
يسرح ويرسم
جوا م الرمل المدن
والنور بيطرح من شبابيك القمر
عناقيد شموع
تفضل تطاطى
لحد ما تدفى الشوارع
وهناك يشوفها
زى طيف مالهوش حدود
يسكن فى ضل الشجر
ويراقب الطله
والورده فى ايديه من سنين
لكنها صامده بتتحدى الخريف
رافضه الذبول
وهى زيه مؤمنه
ان السنين لحظات تفوت
وبكره تلبس تاييرات
زى البنات
على شط بحر
واتعود الموج يفضحه
انا خدت قلبى افسحه
حسيته واحد ما اعرفوش
حسيت ملامحه الصبيانية
بتطل من ضهر الرتوش
والضحكة بحساب الابتسامه
تكون لمين ..توصل لفين
والنظرة مش تايهه كده
على اى عين
فضحكت جوايا بجر الذكريات
من فترة عدت وانتهت
ونفس حالى وقتها
وكانه كان ليا الرديف
هو الربيع وانا الخريف
قلبى وانا ..
ولحد يومنا ما شفتهوش
ما حضنتهوش ..وانا صدرى خالى
خايف ادور من جديد
وارجع هناك
فيشوفنى يجرى
م الكسوف
المشاركات
تحياتى للقائمين على هذا الصرح الراقى
ردحذف