Mohammed Dawood@@@بيفضل ايه مننا

Mohammed Dawood

بيفضل ايه مننا
بعد ما تدور سواقى عمرنا
ونعصر النبض
وليالى حلمنا
بعد ما نجرى
فى كل الشوارع
ما نلاقيش
غير قبرنا
وكلمة فاتت على القلوب
تصحى فينا حبنا
نعشق جمال الزهر والكون
والخير كلنا
بيفضل ايه مننا
غير شوية ملامح ابتسام

وفرافيت كلام
مبدورين جوا
احبابنا
يتعلقوا رايات
فى اخر الاهات
وغير حبنا.....وبواقى
وحنين
مركون فى العيون
تايهه زينا
وزهور ....وجفت
فى كراسات الطفولة
وحروف على جذع نخلة
تحكى بدايات الرجولة

بيفضل ايه مننا
---------------------------------------------------------------------------------------------كل اللى فات انتهى
واللى باقى حبة اهات
بيهزوا اوتار الالم والنهنهى
فبلاش تجرح فى اللى فات
كله مات
===== محمد عبد المقصود داود =

شاركها في جوجل+

عن Unknown