المشاركات
الكبون
بقلم محمد البلاط
اللى ناعى همه كله
للملايكه ايه هقول
لما يسألوا على الكبون
الكبون خدوه معاهم
من زمن كنت ناسيه
ليه النهارده بتعيدوه
ليه تفكرونى بيه
لقمتى وغازى وجازى
تانى راجع بالكبون
زى عسكر فى المعسكر
بكره صرفية هدوم
الكبون لازقه فى راسى
امتى اكل امتى اصوم
امتى اروح البحر اصيف
امتي انزل فيه واعوم
امتى نعمل الخناقه
بالايادى او بشوم
بكره اشترى الكفن
واشيله فى الهدوم
خايف انسى ولما اموت
ينتهى عمل الكبون
والمقابر فيها عين
شغل الي بالكبون
واللى ناعى همه كله
فى الحساب انى اقول
يا ملايكه مفيش كبون
والكبون خدوه معاهم
وقت غسلى فى الهدوم