المشاركات
حلوه يا بنت بلادى فى طبعك
هغزل عشق بصنعة يدى
واكسب ودك وانا فى عرضك
مش مكسوف وبصوتى العالى
اصلى بحبك
حلوه وشاغله كثير عنيه
حلوه يا بنت بلادى فى جمالك
فيه من لونك كام جنيه
شوفت بنات الدنيا بحلها
لو شبهوكى الا الحنيه
شوفت غزال خلخاله فى رجله
مع خطاويه له ميت اغنيه
شوفت عيون نعسانه بتحكى
كل لغات العالم ديه
حلوه يا بنت بلادى بحبك
فين مفتاح الباب دلينى
اتقدملك واطلب ايدك
يكفينى نغزه اسمها شامه
لزقه فى خدك
شعرك غازل الريح ويرفرف
خلا هوايا عليكى يصفصف
بطلب يدك اصلى بحبك
حلوه يا بنت بلادى فى همسك
قلمى احتار والله فى وصفك
لو مكتوب فى نصيبى مش ليكى
هحضر فرحك واهيصلك
اصلي بحبك
حلوه يا بنت بلادى فى طبعك