المشاركات
قام الشاعر محمد البلاط
فين العنوان
بقلم محمد البلاط
تايه فى عنيكى بمراكبى
وجفنك شط ومخبى
ومقدافى صبح مكسور
وعلى شطك الف وادور
فين العنوان
يا عين نعسه
بتوحى بحرها الهادى
بريق عينك يغرقنى
وموجه شكله مش عادى
جفونك لميها حبه
تقرب ليا المرسى
جايز ارسى على جفونك
ولو انا اتوه فى رموشك
غصون من شوك تحمينى
ومن يقطين تغطينى
يونس على شط رماه الحوت
وانا من شطك راجع تانى
فى بحر عنيكى لجنانى
رامم لشراعى من تانى
مسك مجدافى بسنانى
وبأيدى ازلزل موج
جايز القاع يحلالي
واغوص فيها بمراكب الشوق
واجيب لؤلؤ ومرجانى
والضم عقد بخيط حبيى
ازين صدرك الخالى
جايز اسكن داخل قلبك
ويصبح ليا مكاني
امانه تهدى موجك حبه
ودلينى لعنوانى
فين العنوان