عوني هشام شاعر واعلامى@@@. السنيورة

عوني هشام شاعر واعلامى

.. السنيورة
========= بقلم عونى هشام
شفت السنيورة 
الامورة 
ست الستات
قاعده بسلامتها
فى الصورة
وكلام هات هات
--------------------
لا هاممها راجل
ولا عيل
وتقولك شوفه
دا منيل
وتزيد فى اهات
---------------------
تطلع من سيمة
تروح كاباريه
وتلم النقطة
وتاخد بيه
كده فى السكات
-------------------
ترجع على جوزها
وعيالها
ومعاها فلوس
ليه ما سألها
تديله الطرشة
تخش تبات
-------------
بالزمة دى عيشة
يا اخواتى
ع الحال طوالى
ويوماتى
وانا اعمل ايه
----------------
لا اخوها
ولا اقدر اكلمها
تعملى فضيحة
وترسمها
وفى السجن
انا ابات
-------------------
عنديها عيال
بتربيهم
والجوز اهو ضله
سند ليهم
لا فى عنده
نخوة ولا كرامة
عامياه بقلوس
ومزاجة العال
-------------------
وكتير من النوع ده
يا اخوانى
وبحرفى بقعد
انا بهاتى
مرة شخبطة
مرة لغبطة
والحال اهو فاضل
زى الحال
-----------------
وسى عبد العال
بيقول موال
يشرب له كاسين
يضرب حجرين
والهانم بس
تجيب له المال
-------------------
الرحمة يارب
الطف بينا
نجينا وسترك
يكفينا
---------------
خلص الموال
وكلام اتقال
وسى عبدالعال
مع نفسه شمال
وهاتعدل ايه
الحال اهو مال
==========
امتى يتعدل
============
\\\ عونى هشام\\\
موثق

شاركها في جوجل+

عن Unknown