المشاركات
شلله يا سيد
طنطا بلدنا وفيها كام مدنه
وتحت القبه مقام فيه شيخ
اسمه السيد شلله يا سيد
داخل عنده سمعت صريخ
واللى تلالى واللى تصوت
واللى تقوله البقره بتولد
واللى تقوله البيت فى تعاسه
واللى تقوله بناتى عناسه
شلله ياسيد
لو جبتلنا الولده جموسه
ليك كام بوسه واقيدلك شمع
وننصب خيمه حيداك فى المولد
لو خفيت من عينا الدمع
عبد القادر عاشق جنه
بنت جنون من تحت الارض
سايب بيته وسايب شغله
حتى الصوم والصلى والفرض
شلله يا سيد
ليك قرطين يتباعوا من الارض
لو البنت بهانه اتخطبت
ويوم الدخله شوفنا العرض
شلله يا سيد
بقلم محمد البلاط