المشاركات
متولوليش
بقلم محمد البلاط
متولوليش على اللى مات
من اللى فيكى ولولى
اللى اتقتل خلاص دا مات
واللى قتل عايش ولى
والكل بيحى العلم
والكل ليه بيتحنى
والكل بيقول موطنى
فين الامان فين الوطن
فين الكلام
اللى اتكتب واللى اترسم
فين شمس كانت فى العشم
فين الف اغنيه وعلم
كله كلام على جدار
بيتكتب ويترسم
شوفوا العلم
لو حتى مرسوم بغشم
احس فيه بموطنى
ولما اشوفه بتحنى
واضرب سلام
يظهر بان اللى اتقضى
من عمرى كله كان كلام
بحى فيه العلم
وارفعله ايدى بالسلام
طب يا علم فين الامان
لما قتل الاخ اخوه وكان جبان
لما الصراع دار علشان
فين الامان فى موطنى
فيه ناس بتندب على القتيل
وناس بتحرس الجانى
هو الشباب اصبح عويل
ولا القاتل يا ناس ولى
يا بلدنا لبسه السواد
متولوليش على اللى مات
من اللى فيكى ولولى
فين الامان فين الوطن
فين الكلام
اللى اتكتب واللى اترسم
فين شمس كانت فى العشم
فين الف اغنيه وعلم
كله خداع واترسم
متولوليش على اللى مات
من اللى فيكى ولولى