محمود وحيد@@@ يارب

محمود وحيد

يا رب"""
ــــــــــــــــــــــــــــــ

الشمس وسط السما

بتسبح الرحمـــــــــن

والبدر ضيه صفــــــــــا

بيواسى فى الحيران

وانا بين ايدين ربنـــــا

بانده وانا طمعـــــــــان

تشملنى نظرة رضـــا

فيطيب بها الوجـــــدان

يا رب مالى ســـــواك

ولرحمتك عطشـــــان

إملا فؤادى تُقـــــــــى

نجينى م الشيطــــان

واحمينى كيد الهــوى

من نفسى انا قلقـان

غيرك ما ليا رجــــــــا

ولا هاشتكى لإنسان

شاركها في جوجل+

عن Unknown