محمود بيومى ,,,,,,,,اللي قال ان الطريق للجنة ساهل

محمود بيومي

اللي قال ان الطريق للجنة ساهل
يبقي جاهل
و اللي قال الدنيا غدارة بتهلك كل غافل
يبقي عاقل
حكمة الخالق في خلقه
أنها تبقي غريبة
يوم تضلّك
يوم تدلّك
يوم عدوة و يوم حبيبة
فيها ليل عكسه النهار
فيها سكر و المرار
فيها أبيض
فيها أسود
فيها جنة و فيها نار
فيها عزّه و فيها ذٌلَ
في ملايكة بتحفظك لو يوم تضلّ
فيها أبليس اللعين مترصدك
واخد العهد القديم أنه لازم يرصدك
عارف السكة اللي يقدر بيها يوصل مطرحك
و يدمرك
من بداية خلق اَدم الف مرة بيكرهك
ربنا أمره و قاله تعالي و اسجد قول أمين
خلق أيدي هو أدم المكرّم رغم انه خلق طين
قاله لاء يا رب كلّا
مش راح اسجد الف كلّا
قاله اخسأ يا لعين
بعدها غيّرله أسمه
و اتمسخ من شكل رسمه
و انطرد من عطف ربه
و اتوصم شيطان رجيم
يا بن أدم مهما كان
أوعي تنسي يوم عدوك
أوعي من أبليس يضلك
أو يذلك
أستعذ بالله و خلّي حكمتك نورك و ضلك
الشيطان عارف مداخلك
الف حيلة يخترعها تقطع الأرحام لأهلك
كل يوم بيذيد في جهلك
يلاّ أغوي
يلّا أهلك
نفسه دايماً تبقي باعد عن الهك
تارك الصلوات وحاطط متعة الدنيا تجاهك
فاكر أن الدنيا جاهك
يمنعك عطف اليتيم
يجعل الصدقة في عينك خلفها الفقر المقيم
تبقي جاحد
تبقي شارد
تبقي وسط الناس ذميم
لكن الحكمة الكبيرة
أن ربك خلّي كيده كتير ضعيف
رغم أنه شيطان مخيف
كلمة التوبة يا مؤمن لو تقولها
لو فقلبك باليقين دايماً شايلها
لو تكرر لاستعاذة
يخنث الملعون و يهرب
يبقي مسخ مالهش عاذة

* * محمود بيومي * *

شاركها في جوجل+

عن Unknown