المشاركات
بتظلمنى وبترجاك - من ديوان ( هموم )
واصبر نفسى فى بعادك
ورغم الجرح مكان بايديك
سايق فى الكبر وعنادك
واعشم قلبى يستناك
واعيد الماضى لنفسى
باجمل ذكرى كانت وياك
وعمر قلبى ما خانك
واخبى الجرح والمى
بدمعه فى عينى
واعشم نفسى بنفسى
بانك راجع راجع تانى
راجع و العمر يتجدد
ليه ظالم قلبى وهو بيهواك
سافرة بعينى ما شفتك
واصبر قلبى بصورتك
رسايلك عينى تنظرها
وتتأمل كثير خطك
واعشم نفسى بصوتك
بيندهلى وانا اجوبك
وبين حروف رسايلك
دموعى بخط تكتبلك
واخر السطر تبصملك
دموع مخلوطه بحبرك
وتشكى الوجد ونار الشوق
قسم بالله بتندهلك
بتظلمنى وبترجاك
واصبر نفسى فى بعادك
ورغم الجرح مكان بايديك
سايق فى الكبر وعنادك
ومرسالى بقالو شهور
واقف مستنى على بابك
وامله فى رد يكون منك
تطمن بيه احبابك
بتظلمنى وبترجاك
بقلم محمد البلاط