حسام محمود @@@رساله مجند

حسام محمود

رساله من مجند
**-**-**-**-**
انا المظلوم علي أرضك
وانا اللي بعيش اصون عرضك
وييجي الليل وانا سهران
اجوب شرقك واجوب غربك
------
انا اللي سبت خلانى
وناس مخلوقه علشانى
وسبت الصحبه واللمة
ورضيت اعيش واحد تانى
------
عقيدتى عايشه في وجودك
اموت واقف علي حدودك
ولا اهون في رملايه
تكون محسوبه من أرضك
------
انا اللي بداوي في جراحي
تنام الناس وانا صاحي
وعينى تحرسك بضمير
بقلبي وروحي وسلاحي
-----
انا اللي اهلي عاوزنى
لوقت الشده شايلنى
وبوحشهم كتير اوقات
لكن واجبي بيلزمنى
اعاشر اهل غير اهلي
وحبك فيه ينده لي
اقوم وادعي واقول يارب
من بلدي ما تحرمنى
-----
كتبت رسالتى بدموعي
يا ريت معناها يوصلكم
لناس بطفي في شموعي
وناصبه لي شباك من دم
ومهما يغدروا بيه
اموت والفرحه في عنيه
ويكفينى انى عشت ومت
يا حبيبتى علي أرضك
**-**-**-**-**-**
بقلم عاشق تراب مصر
حسام محمود

شاركها في جوجل+

عن Unknown