المشاركات
إعتذار
من ديوان مملكة الخيال
من ديوان مملكة الخيال
تسمحيلى يا حبيبتى أعتذرلك
واعترف لك ..
إنّى ماقدرتش أحقق .. فيّا حلمك
بس انا يابلادى عاشق ..
أيوه والله .. بحبك
والنهارده .. جاىّ نادم
والندم جوايا هادم ..
كل حاجة ..
إلا حاجة ..
شوقى ليكى ..
واللى نفسه .. يلتقى حضنه ف إيديكى
أؤمرينى هاتلاقينى بترسملك ..
سكة تمشى من عليها ..
ترتوى بالنشوة
وانتى بتدوسيها
مش رح اتعب ..
حتى لو تمحى ياعمرى
كل حبّة رمل فيها ..
وتسبيها
هاابقى راضى ..
واترسملك سكة تانيه
صدقينى يا حياتى ..
لو بإيدى .. هابقى دنيا
وانتى وحدك .. تملكيها
ترحمى وتجافى فيها
ياأبيّة طمنينى ..
ميّلى ضلك عليّا
واوعدك .. ماتشوفى منّى
إلّا أشواقى وفنّى
وابقى مجنونك .. وأصرخ
فى الفضا واهتف واغنّى
أحلى غنوة فى الهوى عاشت معايا :
(مصر) حبي ....
م البداية .. للنهاية .
****************
محمد درويش
واعترف لك ..
إنّى ماقدرتش أحقق .. فيّا حلمك
بس انا يابلادى عاشق ..
أيوه والله .. بحبك
والنهارده .. جاىّ نادم
والندم جوايا هادم ..
كل حاجة ..
إلا حاجة ..
شوقى ليكى ..
واللى نفسه .. يلتقى حضنه ف إيديكى
أؤمرينى هاتلاقينى بترسملك ..
سكة تمشى من عليها ..
ترتوى بالنشوة
وانتى بتدوسيها
مش رح اتعب ..
حتى لو تمحى ياعمرى
كل حبّة رمل فيها ..
وتسبيها
هاابقى راضى ..
واترسملك سكة تانيه
صدقينى يا حياتى ..
لو بإيدى .. هابقى دنيا
وانتى وحدك .. تملكيها
ترحمى وتجافى فيها
ياأبيّة طمنينى ..
ميّلى ضلك عليّا
واوعدك .. ماتشوفى منّى
إلّا أشواقى وفنّى
وابقى مجنونك .. وأصرخ
فى الفضا واهتف واغنّى
أحلى غنوة فى الهوى عاشت معايا :
(مصر) حبي ....
م البداية .. للنهاية .
****************
محمد درويش