المشاركات
حبيب روحى :-
=========
حَنِين الروح جرح قلبي
وشتت كل أفكاري
وعشت غريب أنا وحبي
وهَجر الحرف اشعارى
أطير م البوح ونفسي تروح
وأحكى كل أخباري
ألاقى الحرف تاه منى
وسال الدمع م الننى
عشان حبته وكمنى
ما كانش بحبي لِيِه دَارى
عشقت يا ناس وقلبي
بحُبه بات مجروح
ويوم ما هواه يريحني
ياخدنى لفوق يطوحني
يمين وشمال
حلاوة روح
أفوق وأرجع لأصل النوح
وألاقي الهمس فى ودانى
يعيد تانى
وجودك عندى مش مسموح
وروح وابعد
منين ما تروح
أبات والحيرة وخدانى
وآه تعزف لأحزاني
ونفسي فى عز حرماني
أقول حَبيته من تانى
وريحُه تخدنى وتسافر
وضد الريح
شراع الحب بتعافر
عشان أوصل لبر أمان
وابعد حُبه م الأحزان
ألاقي العمر بـ يعدى
مافيش ولا ساعة بـ يهدى
وأنا لسه على عهدي
لكن يا خسارة كان ودي
خلاص الأمر ما بيدي
حنين الروح هجر روحى
ماعدش فاضلي غير نوحي
وبعض الحرف من بوحى
أقول يمكن يعافيني
ويمسح دمعه من عينى
ويشفى قلبي وجروحي
حبيب روحى
بقلمي ،،
على مصطفى ،،،
5/3/2015 م
عن الشاعر أشرف الهنداوى