محتارين
--------------------
محتارين
ليه عيونك محتارين
ترضى مين!
وترضى مين!
اسألى قلبك يقولك
على اللى حبك من سنين
كنتِ فى الاحلام هناك
كنتِ فى الخيال ملاك
كُنت مستنيكى تيجى
تنورى روحى بضياك
ولما جيتى ياملاكى
حقى عندك مش لَاقيه
وغيرى ليه عايش عليه
ده طبيعى ندوس قلوبنا؟!
واللى باعنا نشتريه ؟!
ننسا روحنا وحياتنا
وأى حب هنلاقيه
بدعى ربى يهدا قلبى
واللى شايفه أصبر عليه
قلبى عطشان للقاكى
وأنتى ليه بتمنعيه
تبقى المَيا فى ايديكى
وانتى بداريها ليه
يبقى مشتاق لحنانك
وغيره مش مهتم بيه
ده حرام الظلم والله
قلبى سايبها على الله
واللى مكتوب فوق جبينى
يوم معاكى هلاقيه
بس عايزك تعدلى
مش اللى باعك تشتريه
واللى شاريكى بحياته
تسيبيه وتهمليه
يبقى لازم ياحياتى
اشوف عيونك محتارين
قررى مره فى حياتك
ترضى مين
وتسيبى مين
وساعتها ياملاكى
مش هشوفهم محتارين
محتارين
ليه عيونك محتارين
لسه برضة محتارين
محتارين
محتارين
-------------------------.
شعر/ محمد توفيق
المشاركات
