المشاركات
سجال طويل ورائع مع المبدع الاستاذ محمود وحيد
============================
عوني هشام شاعر واعلامى
الصمت كله كلام
فيه القلوب هامت
مش رغى كله ملام
ولا نظرة فيه هانت
====================
محمود وحيد
الصمت صمت ضمير
خايف ومتكتف
عاجز وكيف هيطير
وجناحه متنتف
طول عمرنا تايهين
والحيرة خانقانا
لا كلمة تشفى عليل
ولا بسمة بتلطف
====================
عوني هشام شاعر واعلامى
لملمت اوراقى
الحبر كان مغشوش
وشفت فى ايامى
وجوه لابسة وشوش
الرسم تاه منى
ما عرفت منه رتوش
والفكر تاه عنى
عايزله كام ملطوش
•====================
محمود وحيد
يا خلى جف الدمع
والدقة دبلانة
والحمل مال ع الكل
والارض كارهانا
.ضاقت دروب الرجا
والحلم بات مهدول
.والفجر بقى مشوار
بيهد ف خطانا
====================
عوني هشام شاعر واعلامى
لا لا حبيب الكل
الدمع مش لينا
بنظرة بس وطل
الحب يهدينا-
القلب فيه ايمان
بنوحد الرحمان
اما الكاره نفسه
ملوش ما بينا مكان
الفجر هاينور
والارض تطرح فرح
الكل هايصور
ونغنى ليالينا
====================
محمود وحيد
يا عونى بيه مليت
والعمر شاب منى
طول غمرى جوة الحيط
والهم ما سابنى
شوفت ف زمانى العبر
لما بقيت عبرة
عاجز وما لى رجا .
غير رب يرحمنى
====================
عوني هشام شاعر واعلامى
خليك شوية بامل
من غيره هانعيش ليه
الغدر زاد والعمل
بالحب نقضى عليه
====================
عوني هشام شاعر واعلامى
يا حبيبى شعرى شاب
من كتر ما شفته
مهما تقول فى عتاب
وشبابنا يا خيبته
قاعد على القهوة
او يمشى فى شوارع
فجأه على سهوة
تشوفه كمصارع
فارد سلاح بايده
وبصوته بيهدد
وكلامة بيعيده
لا فاهمة ولا يحدد
ضارب له كام برشام
فى غرزه من اياهم-
عايش مع الاوهام
وتعبنا وياهم
====================
محمود وحيد
يا رب انت الرجا
الامر كله ليك
عبدك وماله سواك
رامى حموله عليك
احمينا م اللى ظلم.
واوهبلنا سكة
تحيى ف قلوبنا الامل.
وصيها نرضيك
====================
عوني هشام شاعر واعلامى
يارب فيك الامل
اهدينا لنفوسنا
من غيرك ايه العمل
الكل هايدوسنا
ارحمنا يارب
====================
محمود وحيد
يا عونى بيه معزور
لا شغلة ولا مشغلة
واعلام قبيح مهزوز
واخد على المسخرة
عمال يبث سموم
ويروج الاوهام
غير كتير افكار
خلى العقول مزبلة
====================
عوني هشام شاعر واعلامى
اعلام وفيه اقلام
تسرح ورى المليم
مهم تقبض كام
وتزيف التعليم-
====================
محمود وحيد
تعليم مالوهش لزوم
دا حشو ع الفاضى
بيعلمونا النوم.
وبيكدبوا الماضى.
زمن العلام انتهى.
لملم كراريسك.
واكتب ع الكراس .
بالجهل انا راضى
====================
عوني هشام شاعر واعلامى
الجهل فى ايامنا علامة معروفه
والفكر ادامنا تايه مع الاكاذيب
الغنوة مسروقة وببلحن معزوفه
وان قلت لا يا سلام تدخل مع المجازيب
• ====================
محمود وحيد مجازيب بلادنا كتار
فوق الحيطان نياشين
بيفبركوا الحواديت
ويقلبوا الموازين
كترت كروش الموت
والدم بقى عادى
واللى يقول الحق.
بيشيلوه الطين
====================
عوني هشام شاعر واعلامى
ياريت نشيل الطين
شوارعنا بقت روبة
أخلاقنا راحيت فين
حياتنا مقلوبة
لو قلت كلمة حق
تبقى انت م المجانين
- وان قلت مرة لأ
- بتقولها لحساب مين
انا فكرى من راسى
ومصر دى اساسى
اموت وهيا تعيش
ده بس احساسى
لا فكرى مرة اتباع
ولا كنت يوم تباع
لسانى صوت الحق
ولا عندى اى اطماع
طمعان فى مولانا
ان القلوب تصفى
دى مصر شيلانا
من غيرها راح نشقى
تعالى ايد فى الايد
والحب يجمعنا
هانخلى يومنا عيد
ولا حد يخدعنا
====================
محمود وحيد
وان حتى خدعونا
عنها ما يوم هنميل
دا هواها ف عروقنا
دم واساسه النيل
دول موهومين بالكدب
والدنيا عامياهم
لينا نهار هيهل
مهما يطول الليل
انا بردو م الاحرار
لو هاترمى ف النار
عاشق تراب ارضها
ومكمل المشوار
فكرى ضمير وميزان
ما يبدلوش شيطان
ولسانى سيف للعدل
متقوى بالإيمان
إيمانى فيا يقين
ان الزمان هيروق
وان النصر للدين
وعد الإله من فوق
إيدى ف ايدك روح
والحب دا توبنا
ما يهدناش مجروح
ولا عنها يبعدنا
• ====================
عوني هشام شاعر واعلامى
اروح منك فين
يا استاذ محمود
انا قلت افكارى
وانت كمان بتجود
غريب ومش دارى
فى بلدى خير موجود
الغربة وخدانى
اكيد فى يوم را اعود
راسم لبلدى مكان
وهيا مرسومة
ياريت نعود لزمان
دلوقتى مقسومة
قسموها فى نفوسنا
ما اعرفش لحساب مين
الغدر هايدوسنا
لو كنا يوم نايمين
معقوله دول مننا
سكنوا معاك ارضنا
لو شربوا مية نيل
كانوا حموا عرضنا
الدم فى ايديهم
والغدر عاميهم
رافعين شعار الدين
مين بس راعيهم
خونه فى وسطينا
عايشين بكل وشوش
الرب حامينا
وهدفهم الملطوش
لا يهمة عم وخال
ولا بفكرة بال
يقتل بدون رحمة
ويغنى باالموال
====================
محمود وحيد
موالى موالك
والغربة غربة روح
والهم لو طالك
فمعانا كيف ما نروح
ترجع بخير وسلام
وتقولها وتبوح
تحكى وتسمعها
وتلومها وتلومك
وتداوى اوجاعها
وتبيعلها هدومك
تحميها م الخاينين
وتشد من حيلها
وتحارب الفاسدين
اللى خدوا خيرها
خيرها اللى من دمنا
اللى بقى سايل
بيمصوا فيه الاوباش
اهل الميزان مايل
مايل وعودى ما مال
و ف يوم هاعود تانى
اغزل هواها شال
واكتبها عنوانى
وطاويطها هنهدهم
وندك بنيانهم
الدين برئ منُهم
كاشف الاعيبهم
يا عونى بيه وياك
والمولى ويانا
جايز ف يوم القاك
وبلدنا تلقانا
============================
عوني هشام شاعر واعلامى
الصمت كله كلام
فيه القلوب هامت
مش رغى كله ملام
ولا نظرة فيه هانت
====================
محمود وحيد
الصمت صمت ضمير
خايف ومتكتف
عاجز وكيف هيطير
وجناحه متنتف
طول عمرنا تايهين
والحيرة خانقانا
لا كلمة تشفى عليل
ولا بسمة بتلطف
====================
عوني هشام شاعر واعلامى
لملمت اوراقى
الحبر كان مغشوش
وشفت فى ايامى
وجوه لابسة وشوش
الرسم تاه منى
ما عرفت منه رتوش
والفكر تاه عنى
عايزله كام ملطوش
•====================
محمود وحيد
يا خلى جف الدمع
والدقة دبلانة
والحمل مال ع الكل
والارض كارهانا
.ضاقت دروب الرجا
والحلم بات مهدول
.والفجر بقى مشوار
بيهد ف خطانا
====================
عوني هشام شاعر واعلامى
لا لا حبيب الكل
الدمع مش لينا
بنظرة بس وطل
الحب يهدينا-
القلب فيه ايمان
بنوحد الرحمان
اما الكاره نفسه
ملوش ما بينا مكان
الفجر هاينور
والارض تطرح فرح
الكل هايصور
ونغنى ليالينا
====================
محمود وحيد
يا عونى بيه مليت
والعمر شاب منى
طول غمرى جوة الحيط
والهم ما سابنى
شوفت ف زمانى العبر
لما بقيت عبرة
عاجز وما لى رجا .
غير رب يرحمنى
====================
عوني هشام شاعر واعلامى
خليك شوية بامل
من غيره هانعيش ليه
الغدر زاد والعمل
بالحب نقضى عليه
====================
عوني هشام شاعر واعلامى
يا حبيبى شعرى شاب
من كتر ما شفته
مهما تقول فى عتاب
وشبابنا يا خيبته
قاعد على القهوة
او يمشى فى شوارع
فجأه على سهوة
تشوفه كمصارع
فارد سلاح بايده
وبصوته بيهدد
وكلامة بيعيده
لا فاهمة ولا يحدد
ضارب له كام برشام
فى غرزه من اياهم-
عايش مع الاوهام
وتعبنا وياهم
====================
محمود وحيد
يا رب انت الرجا
الامر كله ليك
عبدك وماله سواك
رامى حموله عليك
احمينا م اللى ظلم.
واوهبلنا سكة
تحيى ف قلوبنا الامل.
وصيها نرضيك
====================
عوني هشام شاعر واعلامى
يارب فيك الامل
اهدينا لنفوسنا
من غيرك ايه العمل
الكل هايدوسنا
ارحمنا يارب
====================
محمود وحيد
يا عونى بيه معزور
لا شغلة ولا مشغلة
واعلام قبيح مهزوز
واخد على المسخرة
عمال يبث سموم
ويروج الاوهام
غير كتير افكار
خلى العقول مزبلة
====================
عوني هشام شاعر واعلامى
اعلام وفيه اقلام
تسرح ورى المليم
مهم تقبض كام
وتزيف التعليم-
====================
محمود وحيد
تعليم مالوهش لزوم
دا حشو ع الفاضى
بيعلمونا النوم.
وبيكدبوا الماضى.
زمن العلام انتهى.
لملم كراريسك.
واكتب ع الكراس .
بالجهل انا راضى
====================
عوني هشام شاعر واعلامى
الجهل فى ايامنا علامة معروفه
والفكر ادامنا تايه مع الاكاذيب
الغنوة مسروقة وببلحن معزوفه
وان قلت لا يا سلام تدخل مع المجازيب
• ====================
محمود وحيد مجازيب بلادنا كتار
فوق الحيطان نياشين
بيفبركوا الحواديت
ويقلبوا الموازين
كترت كروش الموت
والدم بقى عادى
واللى يقول الحق.
بيشيلوه الطين
====================
عوني هشام شاعر واعلامى
ياريت نشيل الطين
شوارعنا بقت روبة
أخلاقنا راحيت فين
حياتنا مقلوبة
لو قلت كلمة حق
تبقى انت م المجانين
- وان قلت مرة لأ
- بتقولها لحساب مين
انا فكرى من راسى
ومصر دى اساسى
اموت وهيا تعيش
ده بس احساسى
لا فكرى مرة اتباع
ولا كنت يوم تباع
لسانى صوت الحق
ولا عندى اى اطماع
طمعان فى مولانا
ان القلوب تصفى
دى مصر شيلانا
من غيرها راح نشقى
تعالى ايد فى الايد
والحب يجمعنا
هانخلى يومنا عيد
ولا حد يخدعنا
====================
محمود وحيد
وان حتى خدعونا
عنها ما يوم هنميل
دا هواها ف عروقنا
دم واساسه النيل
دول موهومين بالكدب
والدنيا عامياهم
لينا نهار هيهل
مهما يطول الليل
انا بردو م الاحرار
لو هاترمى ف النار
عاشق تراب ارضها
ومكمل المشوار
فكرى ضمير وميزان
ما يبدلوش شيطان
ولسانى سيف للعدل
متقوى بالإيمان
إيمانى فيا يقين
ان الزمان هيروق
وان النصر للدين
وعد الإله من فوق
إيدى ف ايدك روح
والحب دا توبنا
ما يهدناش مجروح
ولا عنها يبعدنا
• ====================
عوني هشام شاعر واعلامى
اروح منك فين
يا استاذ محمود
انا قلت افكارى
وانت كمان بتجود
غريب ومش دارى
فى بلدى خير موجود
الغربة وخدانى
اكيد فى يوم را اعود
راسم لبلدى مكان
وهيا مرسومة
ياريت نعود لزمان
دلوقتى مقسومة
قسموها فى نفوسنا
ما اعرفش لحساب مين
الغدر هايدوسنا
لو كنا يوم نايمين
معقوله دول مننا
سكنوا معاك ارضنا
لو شربوا مية نيل
كانوا حموا عرضنا
الدم فى ايديهم
والغدر عاميهم
رافعين شعار الدين
مين بس راعيهم
خونه فى وسطينا
عايشين بكل وشوش
الرب حامينا
وهدفهم الملطوش
لا يهمة عم وخال
ولا بفكرة بال
يقتل بدون رحمة
ويغنى باالموال
====================
محمود وحيد
موالى موالك
والغربة غربة روح
والهم لو طالك
فمعانا كيف ما نروح
ترجع بخير وسلام
وتقولها وتبوح
تحكى وتسمعها
وتلومها وتلومك
وتداوى اوجاعها
وتبيعلها هدومك
تحميها م الخاينين
وتشد من حيلها
وتحارب الفاسدين
اللى خدوا خيرها
خيرها اللى من دمنا
اللى بقى سايل
بيمصوا فيه الاوباش
اهل الميزان مايل
مايل وعودى ما مال
و ف يوم هاعود تانى
اغزل هواها شال
واكتبها عنوانى
وطاويطها هنهدهم
وندك بنيانهم
الدين برئ منُهم
كاشف الاعيبهم
يا عونى بيه وياك
والمولى ويانا
جايز ف يوم القاك
وبلدنا تلقانا
عن Unknown