المشاركات
----------
لازم تعرف
ان فـ قلبي
لسايا طفلة بتتعرف
ازاي تمشي
ازاي تقدر تقرا بجد
طفلة عنيدة
لما بتغضب
تثور ثورتها
تفرض عِند و يمكن صد
طفلة كمان تقدر تتمرد
تشيد اسوار البُعد
على مدينتها
و لا يوم تهرب مـ الرد
يمكن تسكت
دمعها تِكبت
في عيون رافضة كلمة بُغض
لجل ما يزعل منها الفرد
***
لازم تعرف
انها طفلة نفسها تفرح
تزعل .. تمرح
و لا تتألم
زي زمان
تعيش حرية زي الطير
لكن من غير
ما تظلم حد
و الا تحط فـ يوم
على .. ارض البُهتان
طفلة ما ترضى بذل و قهر
و لا تتمنى تدوق المُر
طول العمر
عايزة تعيشها
بفرحة حب ويا حنان
طفلة تملي تدور
عـ الافراح في كل مكان
تِغلب من شقاوتها
الدنيا و الاشجان
***
لازم تعرف
انها طفلة بتزرع فرحة
في غصن حبيبها
ترسم بسمة
على شفايفها
مهما الحزن فـ عينها يبان
هيا الطفلة اللي ما تفهم
معنى سواد الليل
و بتتحدى مرار الدنيا
بصبر و ويل
لكن بردو عشمها
يوم باملها
تحقق حلم العمر
و ترجع حرة زي زمان
لازم تعرف
بقلم
سعاد عبد السلام
0 التعليقات:
إرسال تعليق
دام الابداع والرقي فى التواجد نسعد دائماً بعطر تواجدكم