المشاركات
لسه بتسأل مين انا
---------------------
لسه بتسأل مين أنا ؟
انا طير و عايش فـ السما
تعبان من ترحال مميت
و محتاج لرحمة ربنا
كُتر السؤال تعب القلوب
و كتير بادوب
لما اشوف جواب
يطمن في يوم حلمنا
لسه الجواب حيران
و غالب عليه مرارة ضنا
احترت و احتار دليلي
و سُهد ليلي
كان عشان القى الجواب
و لسه بتسأل مين أنا
ليه النفوس
بقت كابوس
تدبح فـ حلم عمرنا
و فـ يوم طلبت نتحاسب
نشوف مين فينا غالب
مانا دايما باكون في هواك
انا المغلوب و انا الدايب
تملي اجيب الحق على قلبي
و سبب غُلبي
ان هواك باشوفه دايما الغالب
و يمامة طايرة تهدهد حلمنا
تعالى نعدد الاحلام
طول الايام
و انا هايب
لـ يجي اليوم و نتحاسب
و نتعاتب
و نخسر فرحة عمرنا
تعالى نجدد وصل من تاني
ننسى مين كان فينا الجاني
انا و قلبي و اشواقي
و الا نبضة قلبك الحاني
لجل ما ننول كل المُنى
برغم سُهد ايامي
باسامحك بوجداني
و الوم نفسي لو غِضبت
و احس قلبي وحداني
و في غيابك يطول سُهدي
و حنيني عمره ما كان غايب
بدمعة تفر شعنونة .. صُغنونة
دا وعد مني
و غصب عني
حُب عمري يسهر جفونك
و اوعى تلاوعني
شوقي دابحني
كَحل عيوني بسواد عيونك
و تعالى نغني اجمل غُنا
هات دبلتك تحضن ايديا
و صون هوايا لجل ماصونك
قلل شوية غيرتك عليا
لو حد بص مرة فـ عنيوني
اياك تظن ممكن اخونك
دا مستحيل و لو دَنى
دي النسمة في صدري
نابعة بس من نسمتك
و مايحلى صباحي
الا بصُحبة ضحكتك
خايفة مـ الحاسدين
يدمروا بملامهم عشنا
دا القمر بيحسدني عليك
لما تضم عيوني عنيك
و اهمس بشوقي ليك
حتى الشمس بتجري
غيرانة مني عليك
تدور على حبايب زينا
ربى يسعد سنينك
و ادفى بحنينك
و يجعل نهايتى بين ايديك
ساعتها بس ح تعرف مين أنا
بقلم
سعاد عبد السلام
---------------------
لسه بتسأل مين أنا ؟
انا طير و عايش فـ السما
تعبان من ترحال مميت
و محتاج لرحمة ربنا
كُتر السؤال تعب القلوب
و كتير بادوب
لما اشوف جواب
يطمن في يوم حلمنا
لسه الجواب حيران
و غالب عليه مرارة ضنا
احترت و احتار دليلي
و سُهد ليلي
كان عشان القى الجواب
و لسه بتسأل مين أنا
ليه النفوس
بقت كابوس
تدبح فـ حلم عمرنا
و فـ يوم طلبت نتحاسب
نشوف مين فينا غالب
مانا دايما باكون في هواك
انا المغلوب و انا الدايب
تملي اجيب الحق على قلبي
و سبب غُلبي
ان هواك باشوفه دايما الغالب
و يمامة طايرة تهدهد حلمنا
تعالى نعدد الاحلام
طول الايام
و انا هايب
لـ يجي اليوم و نتحاسب
و نتعاتب
و نخسر فرحة عمرنا
تعالى نجدد وصل من تاني
ننسى مين كان فينا الجاني
انا و قلبي و اشواقي
و الا نبضة قلبك الحاني
لجل ما ننول كل المُنى
برغم سُهد ايامي
باسامحك بوجداني
و الوم نفسي لو غِضبت
و احس قلبي وحداني
و في غيابك يطول سُهدي
و حنيني عمره ما كان غايب
بدمعة تفر شعنونة .. صُغنونة
دا وعد مني
و غصب عني
حُب عمري يسهر جفونك
و اوعى تلاوعني
شوقي دابحني
كَحل عيوني بسواد عيونك
و تعالى نغني اجمل غُنا
هات دبلتك تحضن ايديا
و صون هوايا لجل ماصونك
قلل شوية غيرتك عليا
لو حد بص مرة فـ عنيوني
اياك تظن ممكن اخونك
دا مستحيل و لو دَنى
دي النسمة في صدري
نابعة بس من نسمتك
و مايحلى صباحي
الا بصُحبة ضحكتك
خايفة مـ الحاسدين
يدمروا بملامهم عشنا
دا القمر بيحسدني عليك
لما تضم عيوني عنيك
و اهمس بشوقي ليك
حتى الشمس بتجري
غيرانة مني عليك
تدور على حبايب زينا
ربى يسعد سنينك
و ادفى بحنينك
و يجعل نهايتى بين ايديك
ساعتها بس ح تعرف مين أنا
بقلم
سعاد عبد السلام
0 التعليقات:
إرسال تعليق
دام الابداع والرقي فى التواجد نسعد دائماً بعطر تواجدكم