الشاعر محمد العربى@@@@ماتقولوش عني معاقة)

الشاعر محمد العربى

(ماتقولوش عني معاقة)
==============
ديقي فيا زي مانتي
عايزة يادنيا وعاندي
تخدي مني مهما تخدي
دمعة يأس موش عندي
خدتي الادين فاضلي رجلي
قدك أنا وقد التحدي
يادنيا ولا هسلم عمري
هاخد مكاني في وسطكم
وبالأمل هاعيش مثلكم
مانا لياحق زيكم
وهثبت ديما لكم
أن أقدر أكون وأدي
قدك أنا وقد التحدي
يادنيا ولا هسلم عمري
هرسم ورود ويا عصافير
وأفرد جناحي لفوق وأطير
جوه مني حلم كبير
وتحدي لأي شيئ خطير
طه حسين كان ضرير
أذيد أنا بعيون فوق خدي
قدك أنا وقد التحدي
يادنيا ولا هسلم عمري
ماتقولوش عني معاقة
اللي عندي موش أعاقة
شيئ جميل فجر جوه مني طاقة
دا أمتحان من اللي خلقني
راضية بيه بكل بساطة
موش محتاجة أي وساطة
لسه قلبي بينبض جوة مني
قدك أنا وقد التحدي
يادنيا ولا هسلم عمري
================
الشاعر /محمد العربي

شاركها في جوجل+

عن Unknown