Ali Mostafa@@@البنت الحلوة هية

Ali Mostafa

البنت الحلوة هية 

=========
البنت الحلوة هية
اللى اسمها بهية
حياء وذوق نقية
وممكن تكون سعدية
فى البيت تكون عفية
شغالة ما بتكل
وللحبيب وفية
مش بنت مزة طرية
لو طبخت الملوخية
أو عملت التقلية
مش راح تشوف حنية
تلاقيها كدة نكديه
فى اللعب دى أستاذة
من غير طلب ولا عازه
أخرها لو هتجوع
ترضع من البزازة
لو راح تقول عطشان
ما تناولك الإزازة
============
البنت الحلوة هية
تلاقيها كدة مسكينة
ما لهاش فى الحركات
ولا روشنة ولا زينة
ولا جرى ولا تنطيط
ولا رغي ولا صحبية
لو جت فى يوم تتزين
تلاقيها كدة بسيطة
مش بهرجة ولا زيطه
وكأنها عبيطة
متشخبطة شخبيطة
============
البنت الحلوة تبقي
أموره ساكنة فى حالها
همها تشوف عيالها
ماليين عليها البيت
ومشرفين فى الغيط
ماشيين جنب الحيط
مس لعب هى وزيط
وشاطرين فى مدارسهم
ومنظمين كراريسهم
لو شفتهم تبوسهم
وتقول يارب أحرسهم
===========
البنت الحلوة هية
ما تكنش متسهوكة
ولا روشنة وفبركة
وفى لبسها محبكة
مش بنطلون ولا جيبه
مفتوحة يادى العيبه
ولا شرت فيه الصرة
متقمبرة على بره
خزي وكمان معرة
ما تقولش ليا دا حرة
ولا دلال ومسرة
لو زدت فى المسخرة
راح أقولك أخرج بره
والبنت الحلوة تكسب
لو راح تكون بسيطة
ولبسها محتشم
لو ساكنة فى الأزريطة
بقلمي ،،
على مصطفى ،،،
30/9/2014 م

إلغاء إعجابي

شاركها في جوجل+

عن Unknown