رغيف العيش
رغيف العيش بقى بالشدة
وميت باب مقفولة بالسدة
افكر فيه تجينى كام وعكة
لا عاد فايدة فى جنيه ولا كمان فكة
وانا تايه الف وادور
بين ظروفى والشدة
احايل الدنيا
يمكن تحن عليا وترضى
مقطوع حوليا النور
والضلمة مالية المكان والحتة
مديون بكمبيالة وشيك
ومقفولة عليا السكة
والقعدة بيا طالت
ما بين البيت والدكة
مخنوق فى اليوم مية خنقة
والروح هربانة منى وشاردة
وشمس الكون دوارة
فاردة شعاها على الدكة
والدنيا ضربانى مية ضربة وضربة
نفسى تصفالى فى يوم
ويرتاح بالى والجتة
واعرف طريق السعد
وامشى لقدام كمان خطوة
ويتعدل الحال
واطول فى يوم ضحكة
وابعد عن طابور العيش
لعمل فرح
وانصب كمان الزفة
ابو العبادى
المشاركات
