ومعاه دبله وسابنى اعانى
دبله ومناديل وشريط مواويل
وحكاوى مألفها اغانى
----------------------------
- كانت احلام فيها حلم جميل
يا خسارة ما عات ترجع تانى
لكنى مصدقتش ابدا
ولا فكرت فى يوم ينسانى
-------------------------------
وفضلت اعيش مع اوهامى
واحلامى انه هايجى فى يوم
اكمل سير مع ايامى
او اروح يمكن يقابلنى فى نوم
-----------------------------
وف يوم وانا ماشى بدون موعد
كانت الايام ليا بتوعد
جانى صوت زغاريد ويا أغانى
ومواكب رايحه مع جايه
وعريس وعروسه ما بتبعد
------------------------------
وبطرف العين قلت اشوف ايه
وياريتنى ما رحت ابص عليه
رجعت مكسور مع قلبى
وكأنه دا فبلم وعايشين فيه
--------------------------------
رجعت سرحت بجواباتى
ودموعى نهارى وليلاتى
ولحد الان مش عارف ايه
وصلنا ليوم بكانا عليه
فضلت بصمتى وسكاتى
----------------------------
انا طبعى فقير على اد الحال-
الفقر يا ناس والله مش عيب
لكن الاموال مع شغل البال
غيرت الطبع ما تعرف عيب
-----------------------------
الحب مالوش ابدا الاعيب
وانا عيبى ان بحب بقلى
ولا بعرف ادارى واخبى
طب اعمل ايه حد يقولى
رضيت بالحال وقلت نصيب
---------------------------
فضلت كتير وانا فى مكانى
وسألت الناس على عنوانى
فيه حد يقولى انا ساكن فين
كام واحد وصفه ووسانى
-------------------------
رجعت لقيته غاب ع العين
نسيت انا رحت لفين ولمين
ولقيت على خدى بواقى دموع
معقولة اللى انا حبيته سنين
--------------------------------
ابات من غيرة ليلاتى موجوع
وجعنى فراقه بجرح كبير
وتركتلى احلام كلها كوابيس
ويوماتى اقوم م النوم مفزوع
ونصيبى اتعذب مع قلبى
=================
\\\ عونى هشام\\\
المشاركات
