ولسه فيكي الأدان
وتدق أجراسك
ده مهما طال الليل
الفجر هايشقشق
بكرة هايجي الفرج
وهايفرحو ناسك
******
سامع حبيب في السودان
طالع يغنيلك
وف قلب تونس حبيب
بيقيد قناديلك
وفي الجزائر جدع
بقول مواويلك
وف سوريا طفل اتولد
م الظلم يشكلك
والمغربي في الصلا
يسجد ويدعيلك
شايف حبيب في الكويت
بيقول انا منك
وسعودي قلبه يحن لك
ويقول هاشيل عنك
حتى العراقي ف محنته
مخلفش يوم ظنك
فاكرة يامصر الهرم
يوم عشرة من رمضان
الكل لبى الندا
وكأنه لبى أدان
والليبي لما ابتدا
والأهل والخلان
والكل جالك كده
ومن ربوع لبنان
كان حلم زي الندى
ياريت تعود يازمان ياريت تعود يازمان
محمود الشريف
المشاركات
