عوني هشام شاعر واعلامى@@@ صاحب البقره

عوني هشام شاعر واعلامى

صاحب البقرة
============== بقلم عونى هشام
البقرة ماشية انا وراها 
بالخطوة احسبها معاها 
عارفه طريقها بتتغندر 
ولسكة الغيط عرفاها
-----------------------
تاكل دريس تبن وبرسيم
انا برضة فلاح بس وسيم
سارح يوماتى على زراعتى
يمكن ما عندى ولا مليم
-------------------------
مليم لمين وهايعمل ايه
الرزق عارفة تملى يابيه
محصولى جاى ربك رزاق
كتير شوية انا راضى عليه
---------------------------
البقرة فيها كل حنان
صعب تلاقية عند الانسان
تعطينى خيرها صباح ومساء
-حليب وجبنه زبده كمان
-------------------------
عمى سليمان زيى وغلبان
عجوز لكنه كالرهوان
دايما معايا على السكة
اغنى يعزف بالالحان
-----------------------
الحان بلدنا فيها مواويل
بنغنى بيها صبح وليل
ساعات بنمشى على الترعه
وبقرنا ما احلاه ف هز الديل
----------------------------
تقولشى مروحه كام ريشة
ماهى بقرة جاية بتحويشة
دى هيا كل راسمالى
ولا عمرى باسحب ع الفيشة
-------------------------
عمى سليمان راجل طيب
فى الخير ايديه سابقاه على طول
ان كان غريب ولا قرييب
يعطيه ومن غير حتى يقول
------------------------
اصله فلاح من طينى
رمشة يضلل على عينى
بحبه كده لله فى الله
لو يوم اغيب هوا ياجينى
-----------------------
نفسى القلوب تعمل زية
الخير هايبقى بزياده
عارفة رفيقة ما أنا خيه
وفرضة فى ميعاده عباده
---------------------------
انا وبقرتى مصاحبينه
وهو بقرته مش صينى
اغلب بلدنا عارفينه
عشان حروفه بتشجينى
----------------------------
هو جارى فى بيت وفى غيط
فلاح لكن ايه ؟ برضة حويط
علمنى ازرع زرع جديد
محصول وفير كان بالتنقيط
-------------------------------
ازرع واوفر فى المية
محصول وفير فىه كمية
بس السنادى ناوى عليها
ابيع زراعتى تاجى بهية
----------------------------
قولولى مبروك يا جماعه
قاعد معاكوا بقالى ساعه
هو الصيام اثر فيكوا
ولا الكلام عنده مجاعه
------------------------------
بهية بنت راجل طيب
حبيبى والله يا شيخ سليمان
انت الكبير واخطبهالى
ما انت عارفنى زين الشبان
------------------------------
فى لحظة يا ستار يا عليم
وقع انفجار خد ياما كتير
الناس صابتها حاله جنون
كان الشهيد واد شاب صغير
------------------------------
عمى سليمان قاعد يبكى
ابوح لمين اه يا ناس واشكى
الغدر خطفوه ادامى
الكل هنا لازم يحكى
-----------------------------
عريس شهيد فين الاحساس
عروسته جات تجرى مع الناس
من دمه رسمت بايدها
تلات حروف جوه الكراس ( م ص ر )
---------------------------------
عريس وانا عروسته فى كام يوم
صورونى معاه البوم
وازف نفسى عليه الليه
ما يهمناش ارهاب ولا بوم
------------------------------
سحبت البقره معاها
عمى سليمان وياها
من يومها هيا يوماتى معاه
تزرع تفلح بهواها
---------------------------
دى بهية مش اى بهية
دى بنت مصرية قوية
ودى حكاية شاب شهيد
راح من امامى وف الثانية
================
\\\ عونى هشام \\

شاركها في جوجل+

عن Unknown