المشاركات
شعر
-----
أحلام ممنوعه
--------------
للشاعر / محمد عبد الفضيل
---------------------------------
أنا قبل ما نام
بقرص أحلامي ف ركبتها
بدعي لها وكأن الليله
الليله دي ليلة د خلتها ...
كل الدعوات ... كل الرقوات
وبكل معوذه أنا قريتها ..
بخرت سريري بمنديلي
ولبست حريري وكشميري
كل الشياطين أنا ذمتها ....
فجأه ف منامي لقيت نفسي
حاكم ومسيطر علي قلعه
أنا قلت أخدها وأستتها
ضحكت وقالت لي مش قالعه
جربت كتير وما ملمتشي
القلعه ضحكت ما مالتشي :-
شيل إيديك يا أد وإبعد عني
روح حب يا خويا بسلامتها ....
تقدر علي مهري .. روح إسترني
هات لي دولارات وشوال يني
و الله أنت جاي كده تغني
أناشيد ف كتابي انا قريتها ....
أنا قلت أداديها بسلامتها
وأعرف .. مطالبها .. وحاجتها ..
القلعه صدرت فرمانها :-
وإتغرق بالسم لسانها
أنا قلت راح أسمع أوامرها
صدرت لي أوامر دواوينها
الأمر الأول يا مواطن
إياك ف الحق تكون قوال
وأضرب ع الدف وكون طبال
هزهز في الكرش ولم القرش
غربل ف عبيدك بالغربال
راح تبقي حاكمني عال العال
وتشوف الدنيا بحلاوتها .....
الأمر التاني بسلامتها
حفظاه كده من يوم ولا دتها
سيفك ع العالي وع الواطي
إياك في العدل كده تطاطي
دبح ما يهمك يا حاكمني
هتقش الدور وتكومني
بس أوعي ف مره تظلمني
وتحن لأم ودمعتها ....
دا كابوس الله يخرب بيته
آسف . آسف ... يخرب بيتها ...
طب ما هو بيتي .... برضه ف بيتها ...
ومخدتي هيا مخدتها ..
فول ميتي ... طعم مربيتها ....
ملح المايه الطاهره العايم
علي وش النيل .. كده حاضن غيطها ..
قوم يا منامي ... قوام صحيني
شد لحافك قوم دفيني
خليني أحب الحق وأموت
إيه راح يجري العمر يفوت
ما أنا برضه مدفون ف طينيتها ......
-------------------------------- 3/4/2016 م -----------
عن الشاعر أشرف الهنداوى
