عونى هشام,,,,,,,,,,,,,,,,,,,,,,,,,, عاملى راجل. (( مونولوج ))

عونى هشام

عاملى راجل. (( مونولوج ))
============== بقلم عونى هشام
عاملى راجل بلا نيله
أه يا منيل طب قولى
يا نيله بتعمل ايه

لا فيه مِرِوَه ولا حيله
وشاغلنى معاه
فى شاى ومرة النرجيلة
وشاغلنى وشاغل البيت وياه
البيه بمكانته يصون عيلته
مش قاعد فاضى وفيها قاضى
مش فاضى لحد يرد عليه
جالس ع النت يلاغى ستات
يكتب فى الشات وشوية كامات
قاعد ومراته ناقصها حاجات
إن بنته راحت ما بيسأل
وإن إبنه ذاكر ما بيذكر
ياخد مواعيد ويروح لبعيد
حبيب انما ايه تك نيله
لابس ومظبط وعامل بيه
يفتح السكاى وبنمسع هاى
حواديت وحاجات مش عارفينا
واغانى عجيبة فى تلحينها
وإن حد ينادى ساعة وجاي
والساعة تشبك فى التانية
اليوم بيعدى كما الثانية
ولا شاف اشغال ولا فيه اعمال
ليه تضيع ايامك ؟ فانية
بسلامته قاعد بيشخبط
وكلامة فيه كده بيلغبط
ابوالعريف من غير تعريف
آل ايه فهلوى وبيستعبط
عاملى راجل اه يا راجل
فكرك عيل قوم يا منيل
شوف شغلك
على رزقك حايل
ع الشات بيعاكس
يوم واحدة
رنت له والساعه
كات واحدة
راح لها فى الحال
مع كام موال
ضربته بمبه
ورجع فى الحال
يضرب اخماس
كان عنده امال
هيغنى
ويرقص ع الواحده
بلا خيبة اوية بلا نيلة
قوم يا منيل
صبحية عشية وبتليل
مكسوفه اقول انك عيل
==============

شاركها في جوجل+

عن Unknown