حماده النخيلى@@@(( تخاريف حروف ))

حماده النخيلى

(( تخاريف حروف ))

خلاص ما عادشِ فيه إحساس

خلاص طفطف وزاد الكاس

وإوعى حد يسألنى

ويقولّى

كلامك ليه ملاه اليأس

حجاوبه يعنى إيه عاجبك

دا طوب الأرض مُشْ حابَّك

ولا واحد واقف جنبك

قليل اللى عندو بقى إحساس
..........................................
حبيبى إنت إيه قصدك

كلامك إنت مُش فاهم

يكونشى إنت هو الشْينْ

علينا بحرف تتباهم

أكيد إنتَ الغلط عندك

وإحساسك صبح واهم

...........................................

أنا حسأل سؤال للكل

دا حالك إيه مَعَ جارك

بقالك كام سنه جنبوا

وقولى مره كام زارك

وصاحبك حبه ليك خالص

ويكْتم كُل أسرارك

ولو مره غلِطّْت فى يوم

هيقبل هوَّ أعْذارك

وجاوب إنت على نفسك

بلاش تسألنى إيه مالك
..........................................
حماده النخيلى

إلغاء إعجابي

شاركها في جوجل+

عن Unknown