المشاركات
ضد مجهول
بقلم محمد البلاط
انا المسطول
والقاضى فاهم شغله
وفيه اوراق ودلائل بتوصفله
طلبت منه تحرى
لامر تايه ومدارى
كلامه مكنش مدارى
فاهم شغلى
مكانك والتزم الصمت
تسوق العند هزلك
وراسك فى مقام رجلك
دليل الجانى مش موجود
برائه الجانى من التهمه
عليك راح تقوم لحدود
يا قاضى الجانى قاتلنى
وعينك شايفه السكين
ومتلحوسه بدمى
ليه حكم العدل خل معاك
واسلوبك بيظلمنى
قسمت معاهم التركه
وحطتنى داخل بركه
ودم الناس صبح مهدور
وتنصر ظلمه ليه على نور
طب القناص جاى منين
وصورته متشافه بالعين
وقاتل لاقط الصوره
اقل ما فيها برصاصتين
يا ابنى قولتلك اسكت
والا الحبس همدد
قاتل نفسك
وجاى ترمى بتهمه على مظاليم
جزاتك تتحبس العمر
وشنقك منتظر له الامر
كلاب امثالك اتطاولوا
على سيدنا وصاحب الامر
يا قاضى والله مظلوم
وراجع الامر تانى فى نور
وراعى الرب الحاكم
وجيب الحق للمظلوم
نطق القاضى حكمنا
برائه للملك حسنى
والقاتل دليله مجهول