احمد وهبى@@@@إثبت لى حُبك )

أحمد وهبى

كلمات أغنيه ( إثبت لى حُبك )
.**********************.
الشـــــاعر / أحمد وهــــبى
********************** 
أغرب سؤال يتقال لقلبك 
لو حد قال اثبت لى حُبك
دا مش حبيبك ولا من نصيبك
دا بس عاوز يتعرف إنهُ بقُربك
حافظ على قلبك حافظ على حُبك
وسيبهُ يلعب بالقلوب إلا بقلبك
عاوزك تقولها على الملأ
واللا تقولها على الورق
ماتنوَّلوش لو يفترق أو يبقى جنبك
وأوعى تندَّم دا الصبر أرحم
وماكانش يلزم وتعيش يذُلَّك
هايعيش سعيد بقلبهُ الحديد
وانت بعيد وهايبقى شايفك
لاهاتاخدهُ رحمه ولاكلمه حلوه
وعايزك تلاحقهُ بكلام شفايفك
وان شُفت غيرهُ هاتشوف مصيرهُ
وتلاقى طيرهُ فى لحظه عندك
ماتقولش غار وفى قلبهُ نار
دابس عاوزك بالغزل تنهى طريقك
فازاى وقلبك تثبت لهُ حُبك
وعيونهُ رايحه وجايَّه لغيرك
أصل الغرام مش بالكلام
دا لهُ معانى والجميل لو فيها وصلك
وخاف تروح بين الجروح
ودموع عينيك يرفُضها كفَّك
ويلوم عليك فى سلام إيديك
تِلقىَ الحبايب بيلوموا دمعك
إثبت بإنك عايش بقلبك
ولايوم هايرضىَ يموت فى صدرك
جايز يكون هواه جُنون
عاوز يثيرك فيثيرهُ تُقلك
واعمل حسابك لو يوم وسابك
تِبقىَ بكيانك والأمر أمرك
فكر فى مين أولىَ بحُبك
فكر فى مين أولىَ بقلبك
أغرب سؤال يتقال لقلبك
لو حد قال اثبت لى حُبك

شاركها في جوجل+

عن Unknown