(حبيها وحبتني بجد)
مش عارف ارد علي حنانك
ولا قادر أصد
نظرات من عينك سحراني
وكأني بعيش المشهد كله من تاني
وحنان الحب الوجداني
وكلام م الروح
من غير ما نبوح
والعشق ف عيني كمان مفضوح
من لهفة قلبك وحناني
أحزانك تشبه أحزاني
يتنهد قلبي بحنيه
وعينيكي مش سايبه عينيه
وف قلبك ترانيم من عشقي
أمواج البحر اللي ف عينك
بتمرجح عمري المدبوح
لما احضن أيدك ف أيديه
أسي الاحزان وتنساني
والسكه طويله ف خطاوينا
والاطول سكة أمانينا
هاربين ....تايهين
سايبين الدنيا وما فيها
وأملنا ينور ليليها
وقعدتي يا موناليزا أمامي
تسقيني الشهد
أقول تاني
واللقمه تلمسها شفايفك
فيسيل الشهد ويملاني
ويرفرف قلبك بحناني
كان نفسي الساعه ما تتحرك
وأكمل حلمي
ف حضن الحب الملهوف
وطريق الجنه ملان بالخوف
ولا فارقه معايه ولا يهمش
ما أنا جوه حبيبي وف حضني
وإن قامت الدنيا علينا الحد
اتعذب ولا عمري اتألم
وانا حبك علي جسمي معلم
قلبي دقاته ازدادت وبتوه ف العد
راح اضمك علي صدري واحبك
واصرخ واقول للدنيا
حبتني وحبيتها بجد
حبيتها وحبتني بجد
(تنهيدات صلاح يوسف)
المشاركات
